Эрүүл үстэй байх нь бүсгүй хүний хамгийн чухал зүйлийн нэг

Эрүүл хугараагүй үс нь эмэгтэй хүнийг гайхалтай харагдуулдаг. Үс нь үргэлж сайхан харагддаггүйг нууж байдаг бол бид өөрсдөө үүнд буруутай бөгөөд яаж үсээ арчлахаа ч сайн мэддэггүй шүү дээ. Гэвч алдарт “Pantene Pro-V” пүүс сайхан үсний нууцыг та бидэнд задалж байна.
-Эрүүл үс. Эрүүл үсний хамгийн дээд талын давхарга нь нарны туяанд гялайж сайхан харагддаг бөгөөд унаж хугардаггүй. Үсээ төрөл бүрийн хэв маягт оруулахад хэлбэрээ удаан хадгалдаг байна. Мөн эрүүл үс нь торгон элс мэт гулгаж самнахад хялбар байдаг байна.
-Гэмтсэн үс. Гэмтэж хугарсан үс нь эрүүл үсний тодорхойлолтын эсрэг ойлголт юм. Ийм үс нь өнгөлөг бус, үзүүр нь тэгш бус, сам нахад хэцүү, үсээ орооход (пигуди хайч) хэвэнд муу ордог. Мөн адил гэрзлд гялалздаггүй, байнга хугарч унаж байдаг.
-Тослог үс. Үсний тосны уут хуйхны өнгөн хэсгийн дор байдаг байна. Түүний үүрэг нь асар их, учир нь таны үсийг хамгаалдаг. Тэр нь толгойн арьсны шүүрлийн булчирхайтай холбоотой. Түүнд гарсан өөрчлөлтүүдээс болж үс нь маш тослог эсвэл бүр хуурай болдог байна. Үсээ угаагаад удаагүй байтал буцаад л тостой болчихдог бол тослог үсэнд зориулсан тусгай шампунь ангижруулагчийг хэрэглэх нь зүйтэй.
- Хэвийн үс. Гялалздаг салаалдаггүй, угаасны дараа тийм амар хиртдэггүй.
-Хуурай үс. Өнгөгүй, ямар ч сүргүй янз бүрийн химийн нөлөөнд маш амархан гэмтдэг, арчилгаа шаардана.
Үсийг арчлах арга
Сайхан үстэй болохын тулд үсний угаалтаас эхэлнэ. Ер нь хэд хоноод үсээ угаах ёстой вэ? Урьд нь үсийг байнга угаах нь муу учир энэ нь амархан хуурайшуулдаг гэдэг байсан. Гэвч энэ үзэл хуучиржээ. Та үсээ байнга угаах нь таны тааллын хэрэг. Учир нь үсээ хэсэг хугацаанд угаахгүй болохоор үс тослогжиж өөртөө янз бүрийн хир буртгийг соронзон адил татаж авдаг. Тийм учраас хотод амьдарч буй хүмүүс хөдөөг бодвол үсээ ойр ойрхон угаасан нь дээр. Учир нь хөдөөний агаар тоосжилт багатай цэвэр байдаг. Мөн таны дараагийн нэг асуулт бол ямар шампунь сонгож авах вэ? гэвэл эхлээд өөрийнхөө үсийг тодорхойлоод дараа нь түүнд тохирсон шампунийг сонгож авах нь чухал. Нэг зүйлийг зориуд хэлэхэд үсийг шүршүүрний дор зогсож угаавал шампунь ашиглалт нь хаягдалгүй үр дүнтэй байдаг. Ер нь үсээ хоёроос гурав шампундвал тохиромжтой. Хэр зэрэг их шампунь хэрэглэх нь таны үсний урттай холбоотой. Угаасны дараа үсээ чанга арчиж болохгүй. Харин эцэст нь толгойндоо хурууны өндгөөр массаж хийвэл зохимжтой. Ер нь үсийг байхуу цайгаар угаавал унадаггүй.