Эмэгтэйчүүд нүүрээ арчилдаг хирнээ гараа мартчихдаг гэмтэй. Гэтэл эмэгтэй хүний гараар насыг нь амархан тодорхойлох боломжтой. Учир нь бидний гар орчин тойрны нөлөөлөлд хамгийн их өртдөг тул хуурайших, үрчлээ суух нь түргэн байдаг. Таагүй нөлөөллөөс зайлахад тустай төвөггүй хэдэн зөвлөмжийг толилуулъя.
-Гар арчлах крем, тос зэрэг хэрэгслийг угаалгын өрөөнд нүдэнд ил газар тавь. Мөн ийм цогц хэрэгслийг тогооны угаалтуурт ойр газар тавибал та хувцас хунар сав суулга угаах бүртээ гар арчлах тос, крем хайх шаардлагагүй болно. Ингэснээр та цаг заваа хэмнэнэ.
-Орой үдэш ч юмуу телевиз үзэж байгаа үедээ сэтгүүлийн ширээн доор хумсны иж бүрдэлтэй сав тавьчих. Энэ нь таны хумсаа арчлах цаг завыг хэмнэнэ.
-Сав суулга, хувцас хунар угаах, янз бүрийн химийн бодистой харьцахдаа резин бээлий өмсөж занш. Бээлийгээ тайлсны дараа хатааж, чийгшүүлэгч тос түрх.
-Хэрэв гар дор бээлий байхгүй бол тусгай, хамгаалалтын тос түрх. Энэ нь арьсыг тааламжгүй нөлөөллөөс хамгаалах болно.
-Гарын арьс хагарч, хуурайших тохиолдолд ургамлын тосыг халааж жин тавиарай. A, В төрлийн витаминууд агуулсан гарын тосыг сонго. Ийм найрлагатай тос нь гарын арьсыг илүү уян зөөлөн болгодог.
Subscribe to:
Post Comments (Atom)
No comments:
Post a Comment