Нүүрний тосыг хэрхэн зөв хэрэглэх вэ?

Нүүрний тосыг зөв түрхэх мэдлэггүйгээс болж хүссэн үр дүндээ хүрч чадахгүй байх нь бий. Тэгвэл та доорх зөвлөмжийг дагаарай.
Нэг. Арьсаа чийгтэй байгаа дээр нь тэжээлийн тосноос бага зэрэг авч нүүр хүзүүндээ зузаан түрх. Дараа нь хоёр гарынхаа дунд гурван хурууг тэнийлгэн, нүүрээ дараах чиглэлд огцом огцом ил. Үүнд:
а/ эрүүний голоос чихнийхээ гэдэс рүү
б/ завьжнаасаа чихний дунд хэсэг рүү
в/ хамрын самсаанаас чихний дунд хэсэг рүү
г/ духны голоос чамархай руу
д/ Хүзүүг эгэмнээс эрүү рүү чигтэй дээш иллэг хий. Зовхины арьсыг өвөрмөц анхаарал, болгоомжтой арчлах шаардлагатай. Нүднийхээ доогуур дунд ядам, чигчий хурууны өндгөөр зөөлөн хөндлөнгөөр иллэг хий.
Хоёр. Тэжээлийн тосыг өдөр бүр түрхэх нь сайн биш. Арьс чинь амьсгалах, өөрөөсөө тос ялгаруулах жамтай болохоор үе үе амраах хэрэгтэй.
Гурав. Тос огт түрхэхгүй байдгийн адил мөн түүнийг хэт их хэрэглэх нь бас хортой гэдгийг санаарай.
Дөрөв. Усанд орсны дараа нүүрэндээ тэжээлийн тос түрхэх нь арьсанд тун тааламжтай нөлөө үзүүлдэг.