Хүзүү сайхан бол нүүр

Олонх эмэгтэй нүүрээ байнга торддог мөртлөө хүзүүгээ хайхардаггүй. Хүзүүний арьс нь хэдийгээр нүүрнийхээс зузаан боловч амархан үрчлээтдэг. Тиймээс хүзүүгээ нүүрний нэгэн адил тордох хэрэгтэй.
-Оройд унтахын өмнө нүүрэндээ тос түрхэхдээ хүзүүндээ мөн адил түрхэж бай.
-Хүзүүгээ хүүхдийн саван зөөлөн сойзоор угаа, ингэхдээ сойзоороо зууван хөдөлгөөн хий. Дараа нь бүлээн усанд хүзүүгээ булх.
-Хүзүүний улбагар арьсанд хүйтэн усанд норгосон сэвсгэр алчуураар хэсэг хугацаанд орой өглөөд угаалгын дараа хүзүүндээ байнга иллэг хийх нь зайлшгүй чухал. Эхлээд хүзүүгээ халуун усаар шавшаад дараа нь ихэд хөөсөртөл савандана. Тэгээд нэг их ширүүн биш хоёр сойзоор доороос дээш 3-4 минутын турш хийнэ. Иллэгийн дараа эхлээд халуун бүлээн, дараа нь хүйтэн усаар шавшина. Хүзүүний арьс нэн үлбэгэр, сулхгар бол өдөрт нэг удаа дараах дасгалыг хийгээрэй. Үүнд:
А.Толгойгоо зүүнээс баруун, баруунаас зүүн тийш тойрог маягаар эргүүлнэ. /20 удаа/
Б.Алгаараа газар тулан суугаад чихээ мөрөндөө хүртэл толгойгоо зүүн тийш, дараа нь баруун тийш гилжийлгэнэ. Дасгалыг мөрөө өргөлгүй 5-6 удаа давтана. Хүзүүн дээрээ улаан толбо юм уу хагарсан судастай бол арьс эмзэглүүлэх өндөр захтай хувцас өмсөх хэрэггүй.