Дэр - түүн шиг гэм хоргүй зүйл юу байна? Зөөлөн, эвтэйхэн... хүний биед хор учруулдаг талаар та сонсч байгаагүй юү? Тэгвэл дэр үсэнд хаг үүсгэгч гол буруутан аж.
Хаг гэдэг толгойн арьсны үхэжсэн хэсэг гэдгийг бүгд мэднэ. Тэд байнга гуужиж, бидний мэдэх хаг болон нүдэнд харагддаг байна.
Хаг цөөн байвал хүний нүдэнд тэр бүр өртөөд байхгүй ч ихсээд ирэхээрээ түүн шиг муухай харагддаг зүйл байхгүй. Энэ нь хуйх цочирдож, өвчилж эхэлж байгааг заадаг.
Хуйхнаас ялгардаг тослог шингэн толгойгоо угаахгүй удаан явснаас арьсан дээр бөөгнөрч, тослог давхарга үүсгэдэг. Хаг ихэвчлэн хуурай байдаг боловч мөн тослог хаг гэж байдаг байна.
Солилгүй удаад хэрэглэсэн дэр янз бүрийн хогоор дүүрсэн байдаг. Энэ л хог арьсыг цочрооход хүргэдэг байна. Хүн унтахдаа хөрвөөж, толгойгоо дэрэн дээрээ ийш тийш хөдөлгөж унтдаг шүү дээ. Яг энэ үедээ дэрэнд шингэсэн хог буртгийг шүүр мэт үсэндээ шингээн авдаг.
Байнгын угаалга, цэвэрлэгээ тэр бүр тус болохгүй. Хагас сар болоод л агаарт байгаа тоосонцор, бусад бактериуд дэрэнд дахин шингэчихнэ. Дэрний уут үүнээс хамгаалж чадахгүй. Учир нь хорт бодис, микроэлементүүд маш жижиг тул даавууны завсар зайгаар хялбархан нэвтэрчихнэ. Тэгвэл яах вэ? Жишээ нь, хоёр гурван сар болоод л шинэ дэр худалдаж аваад байж болно. Гэхдээ энэ нь эдийн засгийн хувьд боломжгүй. Тэгвэл дэр огт хэрэглэхгүй болдог юм уу. Түүний оронд даавуу дэвсээд л хэвтэж байхаас. Мөн адил даавуугаа угааж цэвэрлэх шаардлага гарна. Тэгээд ч тав тухгүй. Хамгийн оновчтой санаа бол дэрэндээ нэгэн зэрэг гурав дөрвөн уут хийчих. Зөвхөн ингэсэн тохиолдолд л өөрийгөө бүрэн хамгаалагдсан гэж тооцож болно.
Subscribe to:
Post Comments (Atom)
No comments:
Post a Comment