Зуны улиралд арьс тодорхой хэмжээгээр борлодог. Үүний шалтгаан нь нарны хэт ягаан туяа идэвхжихэд түүнээс арьс өөрийгөө хамгаалж, хариу урвал үзүүлж байгаа реакци юм. Арьс маань өөрөө хамгаалах, илэрхийлэх, амьсгалах маш олон төрлийн үүрэгтэй эрхтэн. Арьсны өнгөт эс буюу меланин нь хүний арьсанд байх ёстой элемент. Арчилгаа буруу байх юм бол борлохоос гадна сэвх, нөсөө үүсдэг.
Сэвх. Сэвх ихэнхдээ удамшилтай холбоотойгоор үүсдэг ба тэжээл дутагдах, хуурайших зэргээс үүсдэг юм. Нарны хэт ягаан туяаны идэвхжилийн үед арьсны арчилгаа буюу арьс тэжээлээ авч чадахгүй байгаа тохиолдолд меланин ихээр ялгарч, сэвх үүсдэг. Сэвх нь нар салхины нөлөөтэй мөн дотор эрхтэнтэй холбоотой үүсэх нь бий.
Нөсөө. Нөсөө нь цэвэр дотор эрхтний үйл ажиллагаатай холбоотой байдаг. Эмэгтэйчүүдийн өвчин мөн элэг цөс, бөөрний үйл ажиллагаатай холбоотой нөсөө үүсдэг. Нөсөөг эхний үед зөв оношлоод мэргэжлийн хяналтан дор зөв эмчлэх юм бол арилдаг. Дотор эрхтнээс үүдэлтэй нөсөө бараг арилдаггүй. Ийм нөсөө нь ихэвчлэн хос хосоор үүсдэг. Хэрвээ нүүрний нэг талд ганцаар үүссэн бол дотрынх биш ямар нэг хуурайшил, гадны нөлөөтэй холбоотой үүссэн сэвх гэсэн үг.
Сэвх үү, нөсөө юу? Сэвх, нөсөөг ялгахад амархан. Сэвх энд тэнд цэг хэлбэрээр үүсдэг бол нөсөө битүү үргэлжлэх маягаар газрын зураг шиг хэмжээ хэлбэр том байдаг.
Subscribe to:
Post Comments (Atom)
No comments:
Post a Comment