Эртний Хятадын хатад хумсаа хугалахгүйн тулд алт, бадмаараг, зааны ясаар тусгайлан хийсэн хуруувч зүүдэг байсан гэдэг. Харин өнөө үед хумсыг зөв үрснээр зөв арчилгаа эхэлдэг болжээ.
Энэ нь хумсыг урдаас нь хойшоо бус, хоёр хажуу талаас нь дунд хэсэг рүү нь үрэхийг хэлж байгаа юм. Үүнээс гадна хумсаа хэсэг хугацаанд лакдахгүй амрааж байх хэрэгтэй. Хумсны лакийг тусгай шингэнээр арилгасны дараа шинийг түрхэхээр яарах хэрэггүй. Харин хумсандаа хэдэн цаг амьсгалах боломж олгох ёстой.
Бидний хумс бээлийгүйгээр сав суулга угаах, ахуйн химийн бодистой угаалга хийх дургүй. Харин тэд усанд орох дуртай. Тиймээс далайн болон хоолны давстай бүлээн усанд ургамлын тос, гурван дусал йод, таван дусал нимбэгний шүүс хийгээд 5-10 минутын турш хумсаа дүрж болно. Хумсыг хазаж, мэрж, металл үрүүрээр үрж, гоёлын хумс хэдэн сараар нааж болохгүй. Харин аарц, бяслаг, алим идэхэд хумс өнгө ордог байна.
Subscribe to:
Post Comments (Atom)
No comments:
Post a Comment