Арьс арчлах гол зарчим бол эрүүл байлгах!

Та гар нүүрний саван худалдан авахдаа зөв сонголт хийж чаддаг уу. Гар нүүрний саван нь,
-Хуурай,
-Тослог,
-Эрүүл арьсных,
-Чийглэг,
-Хүүхдийнх,
-Ариутгах чанартай гэх мэт байдаг.
Тийм болохоор реклам сурталчилгаанд хөтлөгдөж саванг сонгож болохгүй. Чанартай гоо сайхны бараанд орц найрлагыг нь нарийн заасан байдаг. Хэрэв тийм дагалдах заалт байхгүй бол хуурамч гэж үзэж болно.

Байгалийн гаралтай натураль найрлагатай саван хамгийн чанартайд ордог. Харин таны сонгосон саван натураль эсэх нь өнгө, үнэр хоёроороо ялгардаг.
-Үнэр нь эхүүн нялуун,
-Өнгө нь хурц тод бол химийн найрлагатай гэсэн үг. Харин,
-Цайвардуу өнгөтэй,
-Зөөлөн үнэртэй бол найрлаганд нь байгалийн гаралтай бодис байна гэсэн үг.

Хэрэв таны арьс тослог бол:
Тослог арьсанд зориулагдсан саван хэрэглээрэй. Шүлтгүй учир арьсыг маш гүн цэвэрлэдэг. Шүлтгүй саван нь арьсны үрэвсэл болон батганаас найдвартай хамгаалдаг. Гэхдээ удаан хугацаагаар хэрэглэвэл арьсыг хуурайшуулдаг. Иймд хэрэв арьсны тослог багассан бол болих хэрэгтэй.

Хэрэв таны арьс хуурай бол:
Ийм арьсанд зөөлөн, ямар ч үнэргүй саван юмуу эсвэл хүүхдийн саван сонговол найдвартай. Хатуу савангаас шингэн саван илүү зөөлөн байдаг. Хэрэв таны арьс хэт хуурай бол:
Ийм арьстай бол саван биш, ургамлын буюу хүүхдийн тосоор нүүрээ цэвэрлэж байгаарай.

Хэрэв таны арьс эрүүл бол:
Арьс чинь эрүүл бол угаасны дараа арьс хамгаалдаг тослог бүрхүүл нь хурдан нөхөгддөг учир арчилахад амар байдаг. Харин аль болох зөөлөн үйлчилгээтэй саван сонгоорой. Эмэгтэйчүүд нүүрнийхээ будгийг савангаар арилгаж болохгүй. Зөвхөн сүүн шингэнээр арчаарай.

Ямагт цэвэрхэн байлгах нь арьс арчлах гол зарчим юм.

Ойр зуурхан гарсан ч гэртээ орж ирэнгүүтээ нүүр хүзүүгээ сайтар угааж цэвэрлэж байх хэрэгтэй. Унтахдаа ч гэсэн сайн цэвэрлэж байвал зохино. Шөнө унтахдаа ямар ч крем, шөнийн тос түрхэх хэрэггүй.

Хэрэв нүүр гараа савандаж угаасан бол дараа нь усаар сайтар булхах хэрэгтэй.